Fréttir

Mótanefnd SKA hefur sett upp mótaskrá SKA fyrir árið 2021 til viðbótar við mótaskrá SKI. Gott að hafa til hliðsjónar þegar helstu viðburðir ársins 2021 eru merktir inn í nýju dagbókina. Munið að við höfum alltaf þörf fyrir auka aðstoðarmenn á mótunum okkar.

Sunnudaginn 16. desember fóru fram tvö FIS-mót í svigi í kvenna- og karlaflokki við fínar aðstæður í Hlíðarfjalli. Í kvennaflokki hófu 12 konur keppni en aðeins 7 þeirra náðu að klára fyrra mótið. Í 1. sæti var Katla Björg Dagbjartsdóttir SKA, í 2. sæti var Agla Jóna Sigurðardóttir Breiðabliki og í 3. sæti var Fríða Kristín Jónsdóttir SKA.

Það er útlit fyrir fínar aðstæður á morgun í Hlíðarfjalli á fyrsta móti vetrarins. Hægt verður að fylgjast með keppendum á "Live timing" https://www.live-timing.com/races.php Hlökkum til að sjá sem flesta! Félagar í SKA

Dagskrá ENL mótsins sem haldið verður í Hlíðarfjalli 16. desember n.k er að finna hér. Þátttakendur geta æft í Hlíðarfjalli á laugardaginn og vonandi föstudag líka og með því móti hægt að gera meira úr ferðinni. Ef breytingar verða á snjóalögum eða aðstæður vegna veðurs verður send út tilkynning á hádegi fimmtudaginn 13. desember n.k.

Vetrarkort eru innifalin í æfingagjöldum barnanna - æfingagjöldin eru greidd í NÓRA en hægt verður að greiða á tímabilinu 15. desember til 15. janúar (fyrsta vikan frí!). Best er að greiða æfingagjöldin sem fyrst en barn getur hafið æfingar þó að ekki hafi verið gengið frá æfingagjöldum. Ef einhver vandamál eru með greiðslur vinsamlegast hafið samband við Helgu Kristínu skagjaldkeri@simnet.is - Starfsmenn í miðasölunni í Hlíðarfjalli eru með nöfn iðkenda. Það er nóg að gefa sig fram við miðasölu með gamla kortið sitt og fá áfyllingu. Ef iðkandi er alveg nýr þarf að skrá barnið inn í Nóra sem iðkanda og hafa samband við Helgu Kristínu.

ENL mót í alpagreinum verður haldið í Hlíðarfjalli 15.-16. desember nk. Keppt verður í 2 x svigi. Fararstjórafundur er áætlaður kl. 20:00 á föstudag á skrifstofu SKÍ, Íþróttahölinni á Akureyri. Nánari dagskrá verður birt á vef Skíðafélags Akureyrar www.skidi.is. Þátttökutilkynningar skulu berast í síðasta lagi miðvikudaginn 12. desember kl. 12:00 á netfangið - almarun@akureyri.is

Góðan dag skíðafélagar, Nú styttist í vertíðina hjá okkur og við viljum gjarnan hitta foreldra barna sem fædd eru 2007-2009 og 2010 og yngri, á mánudagskvöldið n.k. í fundaraðstöðu ÍBA í Íþróttahöllinni. Fundurinn byrjar kl. 20:00. Gengið inn í Höllina að austaverðu og þar upp á aðra hæð. Við ætlum að fara yfir æfingar og keppnir vetursins og kynna þjálfarateymin. Sjáum vonandi sem flesta. Kveðja, Alpagreinanefnd SKA og þjálfarar.

Skíðagöngumenn frá SKA byrjaðir að keppa