Lög félagsins

Lög Skíðafélags Akureyrar

1. Gr.
Félagið heitir Skíðafélag Akureyrar, skammstafað SKA. Lögheimili þess og
varnarþing er á Akureyri. Félagið er aðili að ÍBA sem er aðili að ÍSÍ og er því
háð lögum, reglum og samþykktum þeirra.

2. Gr.
Tilgangur félagsins er að vinna að eflingu skíðaíþróttarinnar á Akureyri, glæða
áhuga almennings fyrir gildi íþróttarinnar og virkja sem flesta til þátttöku í
henni.

3. Gr.
Merki félagsins er mynd af stöfunum SKA í bláum litum á hvítum grunni.

4. Gr.
Félagar í SKA geta aðeins verið einstaklingar. Félagar skulu gangast undir lög
og reglur félagsins og samþykktir ÍSÍ, ÍBA og SKÍ. Foreldrar/forráðamenn sem
eiga börn í félaginu gerast sjálfkrafa félagsmenn. Sé félagi í skuld við félagið
hefur hann ekki atkvæðisrétt á aðalfundi.
Brjóti félagsmaður lög félagsins siðareglur eða reglur ÍSÍ getur stjórn félagsins
takmarkað þátttöku hans eða vikið honum úr félaginu. Áður skal viðkomandi fá
tækifæri til að tjá sig um málið.

5. Gr.
Foreldrar/forráðamenn iðkenda sem skráðir eru félagsmenn í SKA og eru
skuldlausir við félagið hafa atkvæðisrétt á aðalfundi samkvæmt reglum
félagsins. Aðrir sem ekki eiga börn sem iðkendur geta greitt félagsgjald og
greitt atkvæði á aðalfundi. Skal félagsgjaldið ákveðið á aðalfundi ár hvert.
Félagsgjald rennur til félagsins. Félagsgjald er innifalið í æfingagjöldum
iðkenda.
Félagið skal halda sérstaka félagaskrá og iðkendaskrá samkvæmt reglum ÍSÍ.

6. Gr.
Í félaginu starfa eftirfarandi nefndir:
Sérgreinanefndir:
1. Alpagreinanefnd.
2. Barna- og unglinganefnd
3. Skíðagöngunefnd.
4. Brettanefnd.
5. Andrésar Andarnefnd.
Sérgreinanefndir eru kosnar á aðalfundi. Nefndir skipta með sér verkum á
fyrsta fundi sínum, nánari útskýringar á sérstökum hlutverkaskiptingu nefnda
er að sjá í handbók félagsins.

7. Gr.
Aðalfund félagsins skal halda eigi síðar fyrir lok maí ár hvert. Aðalfundur hefur
æðsta vald innan félagsins og ákvörðunarrétt í öllum málum þess.
Aðalfund skal auglýsa opinberlega með minnst tveggja vikna fyrirvara.
Dagskrá aðalfundar og framkomnar tillögur skulu vera aðgengilegar
félagsmönnum tímanlega fyrir fund.
Aðalfundur er löglegur ef löglega er til hans boðað.

8. Gr.
Á dagskrá aðalfundar skal taka eftirfarandi málefni:
1) Fundarsetning, formaður.
2) Kosning fundarstjóra og fundarritara.
3) Skýrsla stjórnar.
4) Reikningar félagsins lagðir fram til staðfestingar.
5) Lagabreytingar.
6) Ákvörðun um félagsgjald
7) Kosning formanns, annarra stjórnarmanna og sérgreinanefnda
9) Önnur mál.

9. Gr.
Einfaldur meirihluti greiddra atkvæða ræður úrslitum mála á aðalfundi. Þó
öðlast lagabreytingar og ákvarðanir um stofnun nýrra nefnda því aðeins gildi
að þær hljóti samþykki tveggja þriðju hluta þeirra sem atkvæða greiða, enda
taki fullur helmingur þeirra sem á fundi eru þátt í atkvæðagreiðslunni.
Kosningar skulu vera skriflegar og leynilegar sé þess óskað. Falli atkvæði jafnt
skal kosning endurtekin einu sinni. Verði þá aftur jafnt skal hlutkesti ráða.

10. Gr.
Allir skuldlausir félagsmenn, 16 ára og eldri, hafa atkvæðisrétt, málfrelsi,
tillögurétt á aðalfundi félagsins.
Kjörgengir til stjórnar- og trúnaðarstarfa eru lögráða félagsmenn.

11. Gr.
Aukaaðalfundi félagsins má halda ef stjórn telur nauðsynlegt eða ef 10 af
hundraði atkvæðisbærra félaga óska þess skriflega og tilgreina fundarefni það
sem ræða skal. Auka aðalfund skal boða með sama hætti og reglulegan
aðalfund. Reglur um aðalfund gilda eftir því sem við á um aukaaðalfund. Þó
skulu lagabreytingar, stjórnarkjör og ákvörðun um stofnun nýrra nefnda aðeins
fara fram á reglulegum aðalfund.

12. Gr.
Stjórn félagsins skal skipuð formanni, varaformanni, gjaldkera, ritara og allt að
3 meðstjórnendum. Einn fulltrúi úr hverri sérgreinanefnd situr í stjórn félagsins
sem skipaður er af viðkomandi nefnd. Fulltrúi foreldra og fulltrúi ungmenna
skulu sitja a.m.k. 3 fundi á ári. Formaður skal kosinn sérstaklega en að öðru
leyti skiptir stjórnin sjálf með sér verkum. Kjörtímabil stjórnarformanns er milli
aðalfunda. Kjörtímabil annarra stjórnarmanna er tvö ár þó þannig að aldrei
skal nema helmingur stjórnarmanna ganga úr stjórninni samtímis.

13. Gr.
Stjórnarfundi skal halda reglulega og eigi sjaldnar en mánaðarlega yfir
vetrartímann og oftar ef þurfa þykir, þar með talið ef stjórnarmaður óskar þess.
Formaður boðar til stjórnarfunda.
Stjórnarfundir eru löglegir er meirihluti stjórnar er mættur. Einfaldur meirihluti
ræður úrslitum mála á stjórnarfundum. Falli atkvæði jafnt, ræður atkvæði
formanns.

14. Gr.
Stjórn félagsins fer með æðsta vald í málefnum þess milli aðalfunda. Stjórn
félagsins skal vinna að því að efla félagið á allan hátt og gæta hagsmuna þess
útávið. Hún skal einnig samræma starfsemi félagsins innávið og hafa eftirlit
með starfsemi nefnda félagsins. Stjórnin hefur umráðarétt yfir eignum
félagsins og markar stefnu þess í öllum veigamiklum málum. Hún skal þó
jafnan hafa samráð við nefndir félagsins um þau mál sem varða þær
sérstaklega.

15. Gr.
Stjórn félagsins getur veitt, að höfðu samráði við nefndir félagsins,
viðurkenningar fyrir íþrótta árangur eða störf í þágu félagsins,
Sérgreinanefndir félagsins skulu kosnar á aðalfundi félagsins. Stjórn félagsins
ákveður verkaskiptingu milli einstakra nefnda. Nefndarmenn skulu skipta með
sér verkum. Nefndir skulu skila skýrslum um starfsemi sína til stjórnar
félagsins. Nefndir skulu koma saman eins oft og þurfa þykir. Formaður
nefndar boðar til fundar. Formenn nefnda eiga rétt til setu á stjórnarfundum
með málfrelsi og tillögurétt.

16. Gr.
Stjórn getur boðað til fundar með einstökum nefndum eftir því sem þurfa þykir.
Stjórn getur breytt ákvörðunum nefnda ef hún telur ástæðu til. Nefnd er
óheimilt að stofna til skuldbindinga nema með heimild frá stjórn félagsins.

17. Gr.
Reikningsár félagsins er almanaksárið. Gera skal fjárhagsáætlun fyrir hvert
starfsár þar sem gera skal grein fyrir áætlun um tekjuöflun félagsins og
áætluðum rekstrargjöldum.

18. Gr.
Allar eignir félagsins skulu vera í yfirumsjón stjórnar félagsins. Stjórn félagsins
skal varðveita skjöl félagsins og aðra muni, s.s. verðlaunagripi, gjafir o.s.frv.

19. Gr .
Tillögur um félagsslit skulu sæta sömu meðferð og lagabreytingar. Komi til
þess að félagið yrði leyst upp skulu eignir þess vera í vörslu Íþróttabandalags
Akureyrar og ráðstafar stjórn Íþróttabandalags Akureyrar, ÍBA, eignum þess í
sem bestu samræmi við þann tilgang sem félaginu var settur í upphafi.

20. Gr.
Lög þessi öðlast ekki gildi fyrr en þau hafa verið staðfest af ÍBA og ÍSÍ.
Lög þessi voru fyrst samþykkt á stofnfundi félagsins á Akureyri 25. nóvember
árið 2000
Með breytingu samþykkt 22. maí 2001, 29. nóvember 2003, 18. nóvember
200, 28. september 2009, 20. maí 2019, 20. maí 2020,17. maí 2022, 23. maí
2023 og 28.maí 2026