Sonja Lí verður í sviðsljósinu á morgun á Heimsmeistaramóti unglinga í Noregi

Það ber að vekja athygli á því að þessa dagana fer fram Heimsmeistaramót unglinga í alpagreinum í Narvík í Noregi.

Ólympíufarinn okkar í SKA, Sonja Lí Kristinsdóttir, er þar á meðal keppenda og mun hún keppa í bæði stórsvigi og svigi.

Stórsvigskeppnin fer fram á morgun, 12. mars og keppni í svigi fer fram þann 14. mars.

Gaman verður að fylgjast með Sonju sem mætir líklegast þríefld til leiks eftir ævintýralega ferð á Ólympíuleikana nýverið. 

Áhugasamir geta nálgast úrslit á heimasíðu FIS