Sonja Lí á leið á Ólympíuleikana

Í gærkvöldi bárust þær fréttir úr skíðaheiminum að Ísland fengi aukasæti í alpagreinum kvenna á Vetrarólympíuleikunum sem nú standa yfir í Mílanó-Cortina á Ítalíu. 

Það var enginn önnur en okkar kona, Sonja Lí Kristinsdóttir sem varð þess heiðurs aðnjótandi að vera valin.

Sonja, sem var í fullum undirbúningi við að græja skíði og pakka niður þegar undirritaður heyrði í henni hljóðið í morgun, sagðist nánast snúast hringi í kringum sjálfa sig þar sem mikið af tilfinningum væru að sækja á hana eftir fréttirnar frábæru. 

Hún hafði verið lögst á koddann í gærkvöldi þegar kallið kom og hafði hún vart trúað því að þetta væri að gerast. 

Hún hefur lengi átt sér stóra drauma og segir þetta vera uppskera óbilandi trúar á sjálfri sér og þeirri vinnu sem hún hefur lagt á sig undanfarin ár. Hún sé búin að vera með þetta á heilanum lengi.

Faðir Sonju, okkar besti maður Kiddi Magg, keppti einmitt á Ólympíuleikunum í Salt Lake City árið 2002 í stórsvigi og svigi. 

Kiddi er einnig á förum til Mílanó og Cortina sem þjálfari og verða því feðginin í eldlínunni á Ítalíu næstu daga. 

SKA óskar Sonju innilega til hamingju með valið og óskar henni góðs gengis næstu daga