Sannkölluð skíðaveisla í Hlíðarfjalli í dag

Í dag, laugardaginn 7. Febrúar, var mikið líf og fjör í fjallinu okkar fagra. Spenntir skíðakrakkar voru mættir á skaflinn um kl. 8 í morgun - tilefnið var svokallað Þorramót 2026. Allar brekkur voru undirlagðar af efnilegum skíðakrökkum -  þeim sem eru að stíga sín fyrstu skref í Laugardagshópnum á Töfrateppinu - 6 ára og yngri í Hólabraut - 7-8 ára í Hjallabraut og 9 ára og eldri uppí Norðurbakka.

 

Í Hólabraut var efnt til æfingamóts fyrir krakka fædda 2019, 2020 og 2021. Þar var glatt á hjalla og stór skref stigin hjá mörgum af skíðamönnum framtíðarinnar - líklega flestir að “keppa” í fyrsta sinn. Keppendur voru 66 talsins og er það staðfesting á því gríðarlega öfluga starfi sem unnið er að hvað nýliðun varðar. Ömmur, afar og foreldrar tóku virkan þátt í mótinu og hjálpuðu til við að gera þennan dag ógleymanlegan fyrir krakkana. (Vefsíðan fékk lánaðar myndir frá Bardi Westin sem var með vélina á lofti í Hólabrautinni í morgun. Þess má geta að hann hyggst útbúa síðu á næstu dögum þ.s foreldrar geta keypt myndir af snillingunum sínum)

 

Kl. 9 hófst Þorramót 7-8 ára hópsins í Hjallabraut. Keppt var í stórsvigi og skráðir voru til leiks 50 keppendur, 36 stúlkur og 14 drengir. Eins og venjulega ríkti mikil gleði hjá krökkunum sem nutu þess að fá að reyna sig í brautinni. Í þessum flokki fá krakkarnir tækifæri til að æfa sig í að keppa með öllu því sem því tilheyrir. Tekinn er tími og úrslit skráð(áhugasamir geta nálgast úrslitin á Abler). Ekki eru þó veitt verðlaun fyrir sæti en allir fengu verðlaunapening fyrir þátttöku að móti loknu. Mótið gekk eins og í sögu og ljóst er að framtíðin er björt hjá SKA.

Hér að neðan eru svipmyndir frá Hjallabrautinni í morgun.

 

 

Um hádegisbil hófst svo keppni í stórsvigi uppí Norðurbakka fyrir 9-11 ára hópinn annars vegar og 12 ára og eldri hins vegar. Aðstæður voru frábærar í brekkunni í dag og veðrið lék við okkur stærsta part dagsins.

 

Í flokki 9 ára stúlkna voru skráðar til leiks 6 keppendur, 5 frá SKA og einn gestakeppandi frá Hengli. 

Úrslit voru eftirfarandi:

1. Nína Katrín Valsdóttir SKA

2. Sara Ósk Aradóttir SKA

3. Katla Steingrímsdóttir SKA

 

Í flokki 9 ára drengja voru skráðir til leiks 15 keppendur, 7 frá SKA og 8 frá Hengli. 

Úrslit voru eftirfarandi:

1. Aron Breki Haraldsson SKA

2. Óðinn Helgi Fannarsson SKA

3. Sindri Snær Þorvaldsson SKA

 

Í flokki 10 ára stúlkna voru skráðir til leiks 5 keppendur, 4 frá SKA og 1 frá Hengli.

Úrslit voru eftirfarandi:

1. Þórkatla María Andradóttir SKA

2. Embla Dröfn Kristinsdóttir SKA

3. Saga Kristín Steindórsdóttir SKA

 

Í flokki 10 ára drengja var einungis 1 keppandi skráður til leiks. Það var hann Edgar Wika SKA. Hann kláraði báðar ferðir með stæl.

 

Í flokki 11 ára stúlkna voru 8 keppendur skráðir til leiks, 7 úr SKA og 1 úr Hengli.

Úrslit voru eftirfarandi:

1. Glóa Hrannarsdóttir SKA

2. Natalía Margrét Einarsdóttir SKA

3. Julietta Wika SKA

 

Í flokki 11 ára drengja voru 4 keppendur skráðir til leiks, 1 úr SKA, 2 úr Hengli og einn úr Ármanni.

Úrslit voru eftirfarandi:

1. Haukur Tumi Erlingsson Hengill

2. Brynjar Örn Ásgeirsson SKA

3. Gunnar Hrafn Eiríksson Hengill

Í flokki 12-13 ára stúlkna voru skráðir til leiks 19 keppendur, 3 úr SKA og 16 úr Ármanni. Úrslit voru eftirfarandi:

1. Mirra Kristín Pálmarsdóttir Ármann

2. Brynja Sólveig Ármann

3. Petra Guðríður Sigurjónsdóttir Ármann

(Hekla Sól Helgadóttir SKA var í 4. sæti, Viktoría Rós Stefánsdóttir SKA var í 6. sæti og Matthildur Tekla Gylfadóttir var í 18. sæti)

 

 

Í flokki 12-13 ára drengja voru skráðir til leiks6 keppendur, 2 frá SKA og 4 frá Ármanni.

Úrslit voru eftirfarandi:

1. Elvar Magni Þorvaldsson SKA

2. Bjarki Freyr Fannarsson SKA

3. Baldur Þór Sigurbjörnsson Ármann

 

Í flokki 14-15 ára stúlkna voru skráðir til leiks 2 keppendur, báðar úr SKA.

Úrslit voru eftirfarandi:

1. Sylvía Mörk Kristinsdóttir SKA

2. Harpa Kristín Guðnadóttir SKA

 

Í flokki 14-15 ára drengja voru skráðir til leiks 3 keppendur, allir úr SKA.

Úrslit voru eftirfarandi:

1. Friðrik Kjartan Sölvason SKA

2. Bjarki Orrason SKA

3. Sigurður Sölvi Hauksson SKA

 

 

Í kvennaflokki voru skráðir til leiks 3 keppendur.

Úrslit voru eftirfarandi:

1. Sóley Dagbjartsdóttir UÍA

2. Bríet Emma Freysdóttir SFÍ

3. Nanna María Ragnarsdóttir UÍA

 

 

Í karlaflokki var aðeins einn keppandi skráður til leiks. Það var hann Sindri Már Jónsson SKA sem steig ekki feilspor í dag.

 

 

Þessi keppnisdagur gekk frábærlega frá upphafi til enda. Að mótinu undanskyldu má taka það fram að aðsókn í fjallið í dag var gríðarleg og raðir mynduðust við allar lyftur. Eins og flestir vita þá eru mörg skíðasvæði landsins hálf lömuð vegna snjóleysis og ljóst að við megum vera þakklát fyrir að geta átt daga eins og þennan. Þetta er ekki sjálfgefið og mikil vinna sem liggur að baki. 

 

SKA þakkar öllum keppendum fyrir frábæran dag, einnig þeim mögnuðu sjálfboðaliðum sem komu að mótinu í dag sem og starfsmönnum Hlíðarfjalls fyrir að skapa frábærar aðstæður í brekkunum. 

 

Lengi lifi SKA.