Gígja og Isak á HM í skíðagöngu

Gígja Björnsdóttir og Isak Stiansson Pedersen SKA náðu bæði lágmörkum fyrir HM í norrænum greinum sem að haldið er í Oberstdorf í Þýskalandi 23.02.-07.03.

Isak er reyndari á stórmótum og hefur bæði tekið þátt á Heimsmeistaramótum og á síðustu Ólympíuleikum þar sem að hann náði góðum árangri í sprettgöngu. Gígja er aftur á móti að fara á sitt fyrsta stórmót og verður þetta frábær reynsla fyrir hana. Gígja er ekki í landsliði og þess vegna afar ánægjulegt að hún hafi náð þessum árangri.

Gígja byrjar strax á morgun og keppir þá í undankeppni fyrir lengri vegalengdirnar. Hún keppir þá í 5 km skíðagöngu með frjálsri aðferð og hefst keppnin kl. 08.00 af íslenskum tíma. Hægt er að fylgjast með keppninni live hér

Fréttir af HM og dagskrá er einnig að finna á heimasíðu SKÍ

Við munum fylgjast með þeim Gígju og Isak næstu daga og bera ykkur fréttir af þeim