Fræðslu- og útbreiðslunefnd (FUN) SKÍ auglýsir eftir umsóknum um styrk(i).

Auglýsing   Umsóknareyðublað

Skemmtileg umfjöllun er í Vikudegi í dag 30. mars um Skiðamót Íslands. Þar kemur m.a. fram að Sigurgeir Halldórsson SKA vann þrefalt í 17-19 ára flokki þ.e. hann vann svig, stórsvig og alpatvíkeppni sem er samanlagður árangur í alpagreinum í karlaflokki varð Sigurgeir fjórði í stórsvigi og þriðji í svigi . Íris Guðmundsdóttir vann einnig þrefalt í 17-19 ára flokki og hún sigraði einnig í stórsvigi og alpatvíkeppni í kvennaflokki.

Eins og fram kemur á ski.is voru í dag krýndir bikarmeistarar í  17-19 ára flokkum og í  kvenna og karla flokkum svo og í félagakeppninni. Tinna Dagbjartsdóttir SKA varð bikarmeistari í  17-19 ára  flokki stúlkna og í kvennaflokki. SKA varð stigahæsta félagið í 17-19 ára stúlkna- og drengja flokkum  og í kvenna og karlaflokkum.

Ekki er hægt að segja annað en að þetta sé frábær árangur hjá okkar skíðafólki og glæsileg niðurstaða eftir góðan árangur hjá þeim á Íslandsmótinu. Til hamingju öll sömun.

María Guðmundsdóttir SKA  varð íslandsmeistari í svigi kvenna á íslandsmeistaramótinu á Dalvík í dag. Í 2. sæti varð systir hennar Íris Guðmundsdóttir SKA. Þær systur skiptu semsagt á milli sín sviginu og stórsviginu, skemmtilegt.  Sigurgeir Halldórsson SKA varð í 3. sæti í karlaflokki. Glæsilegur árangur hjá þeim öllum og óskum við þeim til hamingju.

Nánari úrslit má sjá HÉR.

Nú hefur veðrið gengið niður á Dalvík og ákveðið að keppt verði í svigi karla og kvenna. Skoðun kvenna hefst kl. 12:00 og hjá körlun 12:45. Eins og fram hefur komið er bara um seinni ferð að ræða hjá körlum þar sem hægt var að ljúka fyrri ferð hjá þeim í gær. Konunrnar byrja hins vegar á nýju móti og fara tvær ferðir.

Hvað göngukeppnina varðar þá verður tekin ákvörðun kl. 12:00 hvort keppni fer fram í göngu.

Samhliðasvig hefur verið fellt niður.

Lifandi tímataka

Aflýsa varð sviginu á íslandsmeistaramótinu á Dalvík í dag vegna óveðurs og allir urðu að drífa sig heim. Eftir að fyrri ferð karla lauk og tvær tilraunir höfðu verið gerðar með fyrri ferð kvenna varð að hætta keppni vegna hvassviðris.

Ný DAGSKRÁ fyrir mánudag hefur verið gefin út en þá á að keppa í svigi seinni ferð karla og báðar ferðir í kvennnaflokki. Samhliðasvig fer síðan fram strax þar á eftir. Svo er bara að vona að veðurguðirnir verði keppendum og öðrum hagstæðari á morgun.

Vadim Gusev varð íslandsmeistari í 10km göngu karla í dag. Í 2. sæti varð Brynjar Leo Kristinsson í 4. sæti varð gamla kempan Sigurgeir Svavarsson og í því 6. engin annar en Ólafur H. Björnsson. Einnig var keppt í 10km hjá 17-19 ára og þar varð Sindri Freyr Kristinsson í 3. sæti.

Konurnar kepptu í 5km göngu og þar varð Veronika Lagun í 2. sæti.

Nánari úrslit má sjá HÉR.

Íris Guðmundsdóttir varð íslandsmeistari í dag í stórsvigi á Íslandsmótinu sem fram fer á Dalvík . Í 2. sæti varð systir hennar María Guðmundsdóttir, í 3. sæti Katrín Kristjánsdóttir og í 4. sæti Halla Sif Guðmundsdóttir.  Allar stúlkurnar eru frá Skíðafélagi Akureyrar og er þetta í einu orði sagt frábær árangur hjá okkar stúlkum og óskum við þeim innilega til hamingju.  Í karlaflokki varð fremstur af SKA strákum Sigurgeir Halldórsson en hann varð fjórði í dag flott hjá honum. Nánari úrslit má sjá HÉR